Posts

Showing posts from August, 2024

6. ŨKAI, TWINEI NDETO NZEO

ŨKAI, TWINEI NDETO NZEO (I will sing the wonderous story) 1 Ũkai twinei ndeto nzeo Sya Mũtangĩĩi wa nthĩ,  3/4Nĩwaumie ĩtunĩ Ka'n atwovosye.  2 Ĩĩ, twinei uvoo wa Yesũ 4/4 Mũtũtangĩĩi nĩwe; Nĩwakw'ie nũndũ witũ Atũtangĩĩe ithyĩ.  3 Ithyĩ andũ twekalĩte Ta malondu ala mau Nĩtwamanthĩtwe nĩ Yesũ,  Akĩtwosa twaĩte.  4 Tũmũkathei, ĩĩ ithyonthe,  Tũmũnenge ndaĩa yu Tũmwĩkalye e mũnene Ngoonĩ sitũ, syonthe vyũ.  (Amen)

7. YESŨ NĨWE MŨSUMBĨ

YESŨ NĨWE MŨSUMBĨ (Time is earnest) 1. Yesũ nĩwe Mũsumbĩ,  Nũthaasya ala ove; Tene na tene nĩwe,  Mũsumbĩ wa Asumbĩ.  2. Na vatĩ syĩtwa yĩngĩ,  Ĩũlũ wa nthĩ yonthe; Yĩtũetee wovosyo.  Yĩtũvikasya kwa Ngai.  3. Yesũ nĩwathĩniw'e,  Atũthasya kwovwanĩ; Twĩthĩwe na thayũ mweũ,  Ũla ũtũnengete.  4. Tũmũkathei ithyonthe,  Ala twĩ atangĩĩe; Tũmũnengei ngoo sitũ,  Asumbĩke mwene tei.  5. Mwene vinya na ĩnee Onthe nũkũmeta yu; Methĩwe atangĩĩe,  Mamũnenge ngoo syonthe.  (Amen)

8. TŨMŨTAĨEI YESŨ KLĨSTO

  TŨMŨTAĨEI YESŨ KLĨSTO (Praise the Saviour) 1. Tũmũtaĩei Yesũ Klĩsto,  Nĩwe Mwovosya waitũ; Tũmũkathei na ngoo ĩmwe,  Twĩ ithyonthe yu.  2. Nĩ mũlau na nĩ mũthingu,  Nũtũnengae maũathimo; Tũmũtũngĩei mũvea,  Na tũmwĩw'ei vyũ.  3. Tũnenganei mĩĩ yaitũ,  Ĩalyũlwe nĩ Yesũ; Yĩthĩwe nthembo yĩ thayũ,  Tũkĩmweteela.  4. Tũmũĩkĩĩei myũnthĩ yonthe,  Nĩ mũseo, ndaalyũlĩka: Tũmwendeesyei myũnthĩ yonthe Tũmũthũkũmei.  (Amen)

9. YESŨ NĨ MWOVOSYA

YESŨ NĨ MWOVOSYA (Fairest Lord Jesus) 1. Yesũ nĩ Mwovosya,  Nĩwe watwovoisye,  Andũ maĩ naĩnĩ, maĩ na woo.  Yesũ nĩ Mũtangĩĩi,  Tũmũkathei na ngoo sya w'o.  2. Ũkai kwa Mwĩaĩi,  Nĩwe ũmwendete vyũ,  Nake nũtonya kũmũtethya.  Akamũtan'ya ngoo,  Akamũnenga thayũ mweũ.  3. Ĩĩ Mwĩaĩi Yesũ,  Yu nĩtũkũkũtaĩa we Ũndũ wa wendo watwonisye.  Nĩtũũkũkatha yu,  Ngoo syĩ na ũtanu,  Tũkyeteela kũka kwaku.   (Amen)

10. SYĨTWA YA YESŨ YĨ MŨYO

SYĨTWA YA YESŨ YĨ MŨYO (The name of Jesus is so sweet) 1. Syĩtwa ya Yesũ yĩ mũyo,  Nĩngwenda kũtavany'a yo,  Ũtanu nĩ mwĩanĩu Ũndũ wa syĩtwa, Yesũ.   Yesũ - syĩtwa yĩ mũyo,  Yesũ - ũtaalyũka; Yesũ - nĩtũkwina yu,  Syĩtwa yake yaĩlu.  2. Nĩngwenda syĩtwa yĩĩ yake,  Ũla ũndethasya kũũ Katĩ wa woo na mathĩna; Syĩtwa yake yĩ mũyo.  3. Syĩtwa ya Yesũ Mũtangĩĩi,  Nĩyo yĩndanĩthasya nyie; Na methoi matiketĩka; Tũlyai syĩtwa ya Yesũ! 4. Vatĩĩ nongi ndeto sy'andũ Itonya kũtavany'a vyũ Ũtanu wa syĩtwa yake: Taĩai syĩtwa ya Yesũ! (Amen)

11. ĨTHUKĨĨSYEI ŨVOO MŨSEO

  ĨTHUKĨĨSYEI ŨVOO MŨSEO (O listen to our wonderous story) 1. Ĩthukĩĩsyei ũvoo mũseo Wa ũmwe watũkw'ĩĩe.  Ũndũ waumie ĩtunĩ,  Kenda atũtangĩĩe.  Nũũ ũsu watũtangĩĩe? Nowe Yesũ, Mwana wa Ngai Eekie ata? Atũkw'ĩĩe Aĩva yu? Ĩũlũ kwa Ngai ĩtunĩ aitũvoyeaa 2. Vati ũngĩ wekie take,  Kwia thayũ wake nthĩ Ĩndĩ ũ wakw'ĩĩe mũtĩnĩ Nĩ ũla Mwendwa wa Ngai.  3. O na yu andũ onthe kũũ nthĩ; Meina nguma yake,  Ya Mũthembi ũsu mũnene; Na nowe Yesũ Klĩsto.  4. Nũkwĩnengane thayũ waku,  Kwa Mũtangĩĩi ũsu,  Kenda ũmanye wendo wake,  Na akĩkũtangĩĩa? (Amen)

12. KWĨ MŨTHENYA WA ŨTANU

KWĨ MŨTHENYA WA ŨTANU (Some happy day) 1. Kwĩ mũthenya wa ũtanu,  Nĩngatana vate mĩnoo, " Ve ũtanu ngoonĩ yakwa,  Ngĩmwinĩa Mũndangĩĩi.  Kũkethwa mũthenya ũmwe.  Ngoo yakwa ĩkatana vyũ,  Na ngaina na ũtanu,  Ngĩmwinĩa Mũndangĩĩi.  2. Mũthenya ũmwe kyalo kĩĩ,  Kĩkathela na ngĩnũka,  Na yĩla kwĩ thĩna mwingĩ,  Ngamwĩkaĩla Ngai wakwa.  3. Mĩthenya yonthe ngyũmĩĩsya Mũvaka kyathĩ kyavika,  Ũka Yesũ na mĩtũkĩ,  Kũkye mũthenya mũtheu.  4. Na kyathĩ kyakwa kyavika,  Ngeethĩwa nĩyũmbanĩtye vyũ,  Naku Yesũ ũkambosa,  Ũndongoesye nĩ waku.  (Amen)

13. INYW'Ĩ ANDŨ MA KŨKŨ NTHĨ

INYW'Ĩ ANDŨ MA KŨKŨ NTHĨ (All people that on earth do dwell) 1. Inyw'ĩ andũ ma kũkũ nthĩ,  Mwinĩei Mwĩaĩi na ũtanu,  Mũtaĩei na ngoo syenyu,  Tũkakomanĩa mbee wake.  2. Inyw'ĩ nĩ mũmwĩsĩ Ngai,  O ũla watũmbie nĩwe.  Ũtũĩthasya kũkũ nthi,  Na ithyĩ twĩ ndĩthya yake.  3. Likai mũomonĩ wake,  Na nza kw'onthe mũimwinĩa,  Mũsũng'ũkyei syĩtwa yake,  Na twĩ ngelekany'o kũũ nthĩ.  4. We Ngai nĩ mũnene mbee,  Tei wake ndũalyũkaa,  W'o wake nĩ wĩkalaa,  Ũmũnthĩ na tene w'onthe.  5. Taĩai Ngai Asa waitũ.  Taĩai Mwana Mũtũtangĩĩi,  Taĩai ũla Veva Mũtheu.  Tũmũtaĩei ĩĩ ithyonthe.  6. Ũathimo wa Mwĩaĩi Yesũ.  Wendo wa Ngai Asa waitũ,  Mũamba wa veva Mũtheu.  Syĩkalae naitũ ithyonthe.  (Amen)

14. ŨIĨNĨ WA ŨTHŨĨLONĨ

ŨIĨNĨ WA ŨTHŨĨLONĨ (Up on the western plain) 1. Ũiĩnĩ wa ũthũĩlonĩ kũkĩte ũla waw'o,  Ũla waw'o ũwaw'o ĩĩ waw'o Klĩsto,  Mawasya maseo moke iĩma ivote wathi,  Wa ũtanu ũtanu ũtanu kwa Mwĩaĩĩ.  Tũthi ũkĩlyonĩ ĩĩ ũkĩlyonĩ.  Mũsumbĩ nũkwasya ũu,  Twakwata mĩao mĩtũkĩ tũkwate nthĩ Ya ũtanu ũtanu ũtanu kwa Mwĩaĩi.  2. Ĩthukĩsyeĩ wasya ũithyũlũlũka nthĩ,  Wasya waw'o ĩĩ waw'o ĩĩ waw'o Klĩsto Nĩwathaayũũkie akyũma kwa akw'ũ,  Tavany'ai ũvoo ũũ waw'o wa Klĩsto.  3. Ũka ũtũtetheesye kũkĩlya Satani,  Nĩ ũtanu ũtanu waw'o kwa Klĩsto,  Nzĩanĩ ya Satani tũmai ũvoo mwasye,  Kwĩ ũtanu ũ waw'o ĩĩ waw'o kwa Klisto.  4. Vinya witũ twaia maũũnĩ ma Yesũ ũmũnthĩ Nĩ ũtanu ũtanu ũ waw'o kwake,  Ũvoo wake nũũthi kũthyũlũlũka nthĩ,  Nĩ ũvoo ũ waw'o wa ũtanu kwonthe.  (Amen)

15. NATANGĨĨWE NĨ MUMO WA NGAI

NATANGĨĨWE NĨ MUMO WA NGAI (Glory all the way) 1. Natangĩĩwe nĩ mumo wa Ngai,  Na nĩna ũtanu mwingĩ; Ngĩthi na Yesũ kĩla mũthenya,  Na nĩna ũtanu mwingĩ.  Ũtanu, ũtanu,  Nĩna ũtanu mwingĩ. x2 2. Ũsũvĩo wakwa wĩ kwa Mwĩaĩi,  Na nĩna ũtanu mwingĩ; Nĩndongoeaw'a nĩ metho make,  Na nĩna ũtanu mwingĩ.  3. Nĩwanumisye wanangĩkonĩ,  Na nĩna ũtanu mwingĩ,  Noosa ngelany'o ane ũathimo,  Na nĩna ũtanu mwingĩ.  4. Ũka mwene naĩ wose Mũtangĩĩi.  Nũkwĩtwa na ũtanu mwingĩ; Wamwĩtĩkĩla Mwĩaĩi Yesũ,  Ũkaathimwa na ũtanũ mwingĩ.  (Amen)

16. NĨMŨKUMYE MWĨAĨI WAKWA

NĨMŨKUMYE MWĨAĨI WAKWA (Praise my soul the king of heaven) 1. Nĩmũkumye Mwĩaĩi wakwa,  Nũnengete kũtana; Nũmboetye nĩ mũima,  Na nũndangĩĩe nyĩe vyũ.  Nataĩwe, nataĩwe Nũnengete ũathimo.   2. Nataĩwe nĩwũkitĩaa,  Andũ make maĩmenwa; Ndaĩa yake nĩendee,  Kũmwenda na kũvoya.   Nataĩwe, nataĩwe,  Nataĩwe wa kwendeesya.  3. O ta Asa nũsũvĩaa,  Na nũtwĩsĩ ithyonthe; Nũtũkwataa tũkyathũka,  Nũlũngasya amaitha.  Nataĩwe, nataĩwe,  Nataĩwe na kũasa.   4. Nĩmeũtaĩa Alaĩka,  Memũkatha Mwĩaĩi; O naitũ tũkũthayũka,  Tũkavwanana namo.   Nataĩwe, nataĩwe,  E na ũathimo mwingĩ.  (Amen)

17. MŨKATHEI YESŨ

MŨKATHEI YESŨ (Praise Him, praise Him. Jesus our blessed) 1. Mũkathei Yesũ nĩwe Mũtangĩĩi Inai wendo wake mũnene; Thaithai Alaĩka ala mwĩ vo,  Syĩtwa yake yĩnengwe ndaĩa vyũ; O tondũ mũĩthi ũĩthasya,  Naitũ now'o ũtũĩthasya: Mũtaĩei na nũndũ mwĩ syana syake Mũtaĩei nũndũ nĩwe mũĩthi.  2. Mũkathei Yesũ nĩwe Mũtangĩĩi.  Athĩniw'e ithyĩ tũtangĩĩwe; Nĩwe ĩvia ĩlũmu ya kũtwovosya,  Thaithai ũsu wambiwe; Yesũ we nĩwathĩniw'e nĩ andũ,  Kwa wendo wa Asa wa ĩtunĩ: Athĩnwe akyambwa mũkelany'onĩ,  Mũtaĩei nĩwe ũtwaĩle.  3. Mũkatheĩ Yesũ nĩwe Mũtũtangĩĩi,  Thingithai mĩomo ya ĩtunĩ Yesũ tene w'onthe nĩwe Mũtũtangĩĩi Mwĩkĩei ngovia nĩ yake: Nũkasyoka kũsumbĩka nthĩ ĩno.  Yesũ mũtũvoyei kwa Ngai; Mũtaĩei nĩ Mũsumbĩ wa mũuo; Nĩwe ow'o Mwana wa Ngai waitũ.  (Amen)

18. KWĨ NTHĨ YA THAYŨ NA ŨTHEU

KWĨ NTHĨ YA THAYŨ NA ŨTHEU (Song of the redeemer) 1. Kwĩ nthĩ ya thayu notheu ,  Yesũ mwene ũ twiĩe: Nĩ tũkwĩna na nĩtwĩsĩ,  Tũkoona ũthũmũo.  Wendo wake wa wĩnyivyo,  4/4 Ũtheu tũtawĩsĩ; Ũtanu wa ũtangĩĩo,  Nĩtũkwina twĩ ovosye.  2. Tũkina na ũtanu,  Twĩna Yesũ kũu ĩtunĩ,  Methoi akatũvyaĩa vyũ,  Na nthoni ithele vyũ.  3. Twinei nthĩ ya thayũ notheu,  Yesũ mwene ũtwiĩe Twĩna thayũ ũtathela,  O na yĩla kwĩ matatwa,  Nĩ twineĩ na ũtanu.  4. Ala mamwendete Yesũ,  Matikwenda ũtandĩthyo; Nĩmo Yesũ watangĩĩe,  Akĩkw'a ngelany'onĩ.  (Amen)

19. WENDO WA NGAI NI MŨNENE VYŨ

WENDO WA NGAI NI MŨNENE VYŨ (I know God's promise is true) 1. Wendo wa Ngai nĩ mũnene vyũ,  Anenganie Mwana wake; Kana ũla wĩmwĩtĩkĩla,  Ethĩwe ena thayũ.  2. Ũu nĩw'o ĩĩ nĩw'o; Watho wa Ngai nĩ waw'o; Nake nĩwĩkaa kwenda kwake,  Watho wa Ngai nĩ waw'o.  3. Nĩngũlilikana ũndũ nailyĩ,  Naĩ mwana ũla waĩ mwau,  Indĩ kwa tei wa Ngai,  Nĩnzyokete na mũsyĩ.  4. Nĩneew'ie wasya wa Mwĩaĩi,  Yĩla waneenie nakwa; nayu nĩina nguma yake,  Na kũmũkatha Mwĩaĩi.  5. Thayũ ũta'thela nyie nĩnaw'o,  Nayu ndĩ ngombo ya naĩ ĩngĩ: Yu nĩmũkatha Mwĩaĩi wakwa,  Nũndũ nĩwambovoisye.  (Amen)

20. SYŨMBE SYA NGAI AMŨKAI

SYŨMBE SYA NGAI AMŨKAI (All creatures of our God) 1. Syũmbe sya Ngai amũkai,  Tũmwinĩei na ũtanu; Ngai nakathwe, Ngai nakathwe,  Yo syũa yĩla yakanaa.  W'o Mwai ũla ũkenaa,  Mũkumyei, mũkumyei.  Ngai nakathwe, Ngai nakathwe.  2. Iuutanĩ sya nthĩ ila syĩ vinya,  O na mĩumbĩ ĩla yĩ ĩtunĩ,  Syĩndũ syonthe mũkumyei: Yesu Mwĩaĩi nũsyũkie,  nĩwakĩkĩlya kĩkw'ũ kyu,  Yu e thayũ Mwĩaĩi waitũ.  Tũmũkathei na ũtanu ũwasyũkie.  3. Ololosyai ngoo etĩkĩli.  Maekeei ala meũmũthĩnya: Nũndũ Yesũ nũtũekeaa,  Ala inywĩ mwĩ thĩnanĩ.  Mwony'ei Ngai mavata menyu; Ngai tũsũvĩe myũnthĩ yonthe.  Twĩ thĩnanĩ twĩ ũseonĩ Ngai tũsũvĩe (Amen)

21. MASANGYA KĨOKO TENE

MASANGYA KĨOKO TENE (Early in the morning) 1. Masangya kĩoko tene,  Yĩla woa watema,  Nĩw'o ũseo waku kũthi,  Kũneena na Ngai waku.  4/4 Mwĩĩtu waia Mwana Asa,  4/4 Mwĩĩtu waia Mwana Asa,  3/4 Ndũkĩle wĩvoyee,  Woona watiwa ũkomete,  Watiwa nĩ moathimo.  2. Wookĩla kuma toonĩ.  Woona iĩma syĩ kyeni,  Ndũkende kũkomeleela,  Neena na Ngai waku.  3. Ona kweethĩwa kĩvindu,  Yĩla kwĩ ĩmwe mũno,  ndũkakengwe nĩ ngoo yaku,  Weteele kwambe kũkya.  4. Yesũ ũla watũkw'ĩĩe,  Ookĩlile ĩvinda yĩu,  Naku wenda kũathimwa,  Ũkĩla ĩvinda yĩu.  5. Malia Makatalene,  Aendie kwĩ kĩvindu,  Naku wenda kwona Yesũ,  Ũkĩlaa ĩvinda yĩu: (Amen)

22. MŨVEA KWAKU MWĨAĨI

MŨVEA KWAKU MWĨAĨI (I thank thee for thy keeping Lord) 1. Mũvea kwaku Mwĩaĩi,  Ũnzũvĩie kĩvindunĩ; Na kũndete nĩ mũima,  Kũvika none kĩoko.  2. Ũmũnthĩ w'onthe nĩthĩwe,  Ũathimonĩ waku,  Ndũkandeke kwĩlikya,  Naĩnĩ kana mathĩnanĩ.  3. Ũnzũvĩe metho makwa,  Maikangange mawathenĩ; Moko makwa na maũũ makwa,  maikalike matatwanĩ.  4. Ndeto syakwa syonthe syĩthwe Syaw'o sya ũlũngalu; Kũla ngũthi kw'onthe nĩthwe,  Waw'o na ngũĩkĩĩe we (Amen)

23. ŨKA KWAKWA YESŨ MWĨAĨI

ŨKA KWAKWA YESŨ MWĨAĨI (Come to me. Lord, when first I wake) 1. Ũka kwakwa Yesũ Mwĩaĩi,  Kĩoko ũka kũmbona; Ũmbusũsye ngoonĩ yakwa,  Mesilya maseo ma ĩtunĩ.  2. Ũka kwakwa Yesũ Mwĩaĩi,  Mũthenya nĩthĩwe naku; Nũndũ ndĩtonya nyioka,  Nĩngũemwa nĩ nthĩ ĩno.  3. Ũka kwakwa Yesũ MWĩaĩi,  Saa i sya ĩ ya wĩoo; O na nangangie kũasa,  Ndekea na mbĩtĩkĩla.  4. Ũka kwakwa Yesũ Mwĩaĩi,  Ũtukũ o ta mũthenya; O na nalea kũkoma,  Ndĩkaĩwe nĩ ũkiakĩsyo.  5. Ũka kwakwa Yesũ Mwĩaĩi,  O ta ũũ mĩthenya yonthe; Ũmbose nĩthĩwe kwaku,  Ĩtunĩ kũu kwaku Yesũ.  (Amen)

24. YU NĨ KWAKYA KWĨ KŨSEO

 YU NĨ KWAKYA KWĨ KŨSEO (The morning bright with rosy light) 1. Yu nĩ kwakya kwĩ kũseo,  Nasalukya metho; Asa nue ũnzũvĩie,  Nĩ mwana waku vyũ.  2. Ũmũnthĩ nĩthwe nĩ waku,  Ũnzũvĩe nesa; Ũndekee naĩ syakwa syonthe,  Nĩ mokonĩ maku.  3. Veva Mũtheu nĩekale,  Nthĩnĩ wa ngoo yakwa,  Anthesye nĩ kana none,  Ũthyũ waku nesa.  (Amen)

25. KWĨ KĨOKO TENE

KWĨ KĨOKO TENE (When morning gilds the skies) 1. Kwĩ kĩoko tene, nĩmwinĩa Mwĩaĩi Yesũ nataĩwe o ngĩtethya wĩa; O na ngĩthaitha Yesũ nataĩwe.  2. We Ngai wa ĩtunĩ nĩ mũvea mũno,  Yesũ nataĩwe ngoo yĩna mũvea,  Yusũĩte ndaĩa Yesũ nataĩwe.  3. O na nĩna vata ũnengae mũno,  Yesũ nataĩwe syĩndũ sya kũkũ nthĩ; Itĩmbĩanĩa, Yesũ nataĩwe.  4. Akyũka Satani nĩ ũsũvĩonĩ,  Yesũ nataĩwe na ndaimoni nasyo,  Ni iũkũkĩa Yesũ nataĩwe.  5. O na ĩ ya wĩoo ngoo yĩna ũtanu,  Yesũ nataĩwe ũtukũ kwĩ kyeni; Ngoo yĩna ũtanu Yesũ nataĩwe.  6. O na kũkw'a kwakwa wathi wakwa nĩ ũũ,  Yesũ nataĩwe tene o na tene; Ĩtunĩ kwa Mwĩaĩi Yesũ nataĩwe.   (Amen)

26. NOWE WĨ MŨTHEU

NOWE WĨ MŨTHEU (Holy, holy, holy) 1. Nowe wĩ mũtheu, Mwene vinya w'onthe,  Ngai waitũ, wĩ Mũmbi wa nthĩ,  na syĩndu syonthe Nowe wĩ Mũtheu, vaiĩ ũngĩ taku,  Mwene ũseo, wendo mũnene.  2. Nowe wĩ Mũtheu, etĩkĩli onthe,  Meũkatha syĩtwa yaku, matukũ onthe.  Alaĩka namo nĩmeũkũtaĩa,  Nũe ũnd'ũmwe tene na tene.  3. Nowe wĩ Mũtheu, na twalea kwona,  Nĩ naĩ situ ila syatũtaanisye naku Nowe mwene tei wa kũtũthengeesya Wendo wĩanĩe kũtũekeaa.  4. Nowe wĩ Mũtheu, Ngai mwene syonthe,  Nũkũtaĩwa nĩ syonthe syũmbĩtwe nue Na nĩtũũkũkatha, wĩ ũtonyi w'onthe.  Nowe Mũseo, na Mũtheu vyũ.  (Amen)

27. NGAI MWENE TEI NA WENDO

NGAI MWENE TEI NA WENDO (God of mercy) 1. Ngai mwene tei na wendo ki.  Nĩtwooka mbee waku,  Ũtũnenge ũathimo.  We kwa wendo waku.  Ũndũ ũla w'onthe tũkwenda.  Ũathimo mwingĩ waku.  Ĩthyĩ tweteele na mũĩkĩĩo.  Yesũ oke ĩngĩ. 2. Osa wĩa w'onthe waku.  Twĩwia mbee waku.  Ũtũtongoesye eue mwene Na wendo waku tũ.  3. Ngai ũla ũte ũngĩ taku,  Kwo-seo na wendo,  Nũndũ ndwĩ mwendeesya wa andũ.  Nũe twakwĩkwatya.  4. Ngai Asa na Mwana waku,  Na Ngai Veva Mũtheu,  Vinya wenyu woneke vyũ.  Nũndũ wĩa nĩ wenyu.  5. Twĩkĩe kyenĩ ngoonĩ sitũ,  Ithyĩ andũ maku,  Tũtethye wĩa twĩ kũkũ nthĩ,  Ũtongoinĩ waku.  6. Mũsyĩ wa thayũ wĩ ĩtunĩ.  Vala twaseũvĩw'e,  Mwĩaĩi Yesũ atwathie ũũ,  Akatwĩsĩa ĩngĩ.  (Amen)

28. ĨKALAA NAKWA

ĨKALAA NAKWA (Abide with me) 1. Ĩkalaa nakwa, Mwĩaĩi Yesũ Nũndũ yuyu kũkilyĩ kũtuka.  O na atethya angĩ mandia,  Mũtethya wa w'o, ĩkala nakwa.   2. Nĩngwenda Veva waku Mũtheu,  Akĩlasye matatwa vĩnya.  Nũũ ũngĩ taku, Mũndongoesya? Kũndũ kw'onthe, we, ĩkalaa nakwa.  3. matukũ makwa kũũ nĩmathelaa,  O na maseo ma nthĩ no ta ũu.  Syĩndũ sya nthĩ nĩalyũkaa na kwaa: We ũtaalyũkaa, Ĩkalaa nakwa.  4. Nĩ naku, ndikĩaa mũmaitha.  O na mowau, ĩĩ o na mathĩna.  Ũmoa wa kĩkw'ũ ndwĩ na vĩnya,  Nakwa ngasinda, wekala nakwa.  (Amen)

29. WĨ MŨĨTHI WAKWA MŨSEO

WĨ MŨĨTHI WAKWA MŨSEO (Jesus tender shepherd hear me) 1. Wĩ mũĩthi wakwa mũseo,  Nakwa nĩ ĩlondu yaku; Yu nakoma ũsũvĩonĩ,  Mokonĩ maku Yesũ.  2. Mũthenya nũnzũvĩie Ndĩkethĩwa na thĩna; Nĩmbwĩkiwe nĩthĩwe,  Nĩ mũvea Mwĩaĩi.  3. Ũndekee mawathe makwa,  Athima anyanyawa; Ũnzũvĩe Mwĩaĩi wakwa,  Kũvĩka nĩamũke.  (Amen)

30. MŨTHENYA NĨ WATHELA

MŨTHENYA NĨ WATHELA (Lord, I have passed another day) 1. Mũthenya nĩwathela, nĩkwatuka Mwĩaĩi,  Kwa ũtethyo waku nĩ mũvea Mwĩaĩi; Ethwa nĩmbĩtisye mavĩtyo ma w'ia,  Mwĩaĩi ndekea o na mawathavu.  2. Kwondũ wa tei waku nũnengae mĩthĩnzĩo,  Naku ndetheeasya nũndũ wĩ mũnyanya; Na ngĩthi kũkoma nĩ ũsũvĩonĩ Nĩ mokonĩ maku ndĩkĩa mũmaitha.  3. Tei waku Mwĩaĩi, nĩwĩthĩwe kwakwa,  nyĩe nĩmũthũku vyũ Mwĩaĩi ũndekee; Ũndonyethye Mwĩaĩi mavinda ma kũũ nthĩ,  Nĩthũkũme nesa kũvĩta ũmũnthĩ.  4. Na yĩla ngũvoya Mwĩaĩi ĩtĩkĩla Mboya sya Mwana waku ũla ũtaĩlĩte; Nĩ ngũyĩtanĩa syĩtwa ya Mũtangĩĩi,  Yĩla kwĩ kĩvindu nenga kũthũmũa.  (Amen)